الثلاثاء، 31 مايو، 2016

"ماونتن فيو" توقف تلقي الإيداعات وتعلن قريبا عن نظام الحجز الجديد للمرحلة الثانية لمشروع "آي - سيتي" بالقاهرة الجديدة وتفسير من شاهد على الحدث لطابور السبت الشهير



أكدت شركة "ماونتن فيو"، أنها خلال الأسابيع القادمة ستقوم بالإعلان عن خطة كاملة لنظام حجز الوحدات الجديدة فى المرحلة الثانية لمشروع "ماونتن فيو آي - سيتي" بالقاهرة الجديدة، والتى تتلاقى مع مستوى الإقبال المتوقع، وذلك فى إطار التزامها الدائم بالاستمرار فى التطوير وتقديم أفضل ما لديها من ابتكار وتميز.

وانتهت شركة "ماونتن فيو" من بيع المرحلة الأولى من مشروع "ماونتن فيو آى - سيتى" بالقاهرة الجديدة بالكامل، وذلك فى اليوم الأول من فتح باب الحجز، فى سابقة هى الأولى من نوعها.

وأوضحت الشركة فى بيان لها، أنه نظراً للإقبال المتزايد من قبل العملاء على حجز وحدات المرحلة الأولى، الأمر الذى سبب لبعضهم نوعاً من التأخير فى إتمام عمليه الحجز.  

واعتذرت شركة "ماونتن فيو" لعملائها عن التزاحم المفاجئ نتيجة ازدياد أعداد العملاء الراغبين فى حجز مشروع "ماونتن فيو- اى سيتى"؛ مما أدى إلى التأخير فى إتمام عملية الحجز وعدم قدرتها على تقديم مستوى الخدمة المعتادة لعملائها.

ووجهت شركة "ماونتن فيو" الشكر لعملائها على تأكيد ثقتهم الكبيرة فى الشركة التى ظهرت فى إتمام حجز جميع وحدات المرحلة الأولى من مشروع ماونتن فيو آى-سيتى.

وقالت الشركة: "بفضل ثقة ودعم عملائنا على مدار عشرة أعوام، استطعنا يدًا بيد معهم من إنجاز عشرة مشاريع عقارية كُبرى فى قطاع الاستثمار العقارى"، لافتة إلى أن رسالة شركة "ماونتن فيو" هى "إعمار الأرض وإدخال السعادة على من حولنا".

وشددت الشركة على أنه حرصًا على عملائها، ستقوم الشركة بالتواصل مع كل الحاجزين الذين قاموا بالحجز فى المرحلة الأولى لتتيح لهم الفرصة الكاملة للإطلاع واختيار وحداتهم السكنية الملائمة لهم، وذلك خلال أسبوعين من الآن.

وأخطرت شركة "ماونتن فيو للتنمية العقارية" البنك العربى الأفريقى بوقف تلقى إيداعات من عملائها تحت حساب حجز وحدات المرحلة الأولى من مشروع "آى سيتى" بالقاهرة الجديدة. منشور بـ"القاهرة الجديدة اليوم"
وقال المهندس عمرو سليمان رئيس مجلس إدارة شركة "ماونتن فيو" في تصريحات صحفية، إن إيقاف الإيداع جاء بعد نفاد حجز وحدات المرحلة الأولى من المشروع، بعد إقبال غير مسبوق من العملاء على تملك وحدات مشروع "آى سيتى".  

وأضاف سليمان، أن الشركة ستعلن خلال الأسابيع المقبلة عن خطه كاملة لنظام حجز الوحدات الجديدة فى المرحلة الثانية فى "آى سيتى"، كما تتواصل مع الحاجزين فى المرحلة الأولى لإتاحة الفرصة الكاملة لهم للإطلاع على المشروع ووحداته ومساحاتها ليختار الحاجزون الوحدات التى تلائمهم وإتمام التعاقد، وسوف يبدأ هذه الإجراء خلال أسبوعين.  

ويُعد مشروع "ماونتن فيو- آى سيتى" الشراكة الأولى مع هيئة المجتمعات العمرانية والشريك السعودى "سيسبان" السعودية، في أول المشروعات التى تطلقها وزارة الإسكان بالشراكة مع القطاع الخاص، وهو عبارة عن مجتمع عمرانى متكامل يحتوى على 18 ألف وحدة سكنية يقام على مساحة 500 فدان.  

وتتوزع نسبة الشراكة فى إيراداته بواقع 60% لـ"ماونتن فيو ـ سيسبان"، و40% لوزارة الإسكان، التى تشارك التحالف بحصة تعادل قيمة الأرض ومساحتها 500 فدان.  

ويضم المشروع وحدات آى ـ فيلا (I-Villa) وهى وحدات بنفس مميزات الفيلات، ولكن بمساحات الشقق، وتبدأ من 100 حتى 500 متر مربع، وتحدد أسعار الوحدات وفقاً لمساحتها وموقعها فى المشروع.

وفي تعليق على الزحام الذي حدث في أول أيام الحجز، تداوله النشطاء على مواقع التواصل الاجتماعي، قال السيد/ Hamad Salem شاهد على الحدث أمام مقر حجز الشركة يوم السبت الماضي:
"انا وقفت فى طابور Mountain view
بالنسبة للصور المنشورة عن الحجز فى المشروع الجديد Mouantain View . انا كنت هناك . و ده ال عايزاه الشركة . تجمهر شديد بره يسوقوا بيه . فللأسف كانت تجربة شديدة الاهانة. البياعين كانوا بيكلمونا كل ساعتين فى الاسبوع ال قبل الحدث الضخم !!علشان يتأكدوا اننا رايحين و اننا اخدنا الدعوة لإنها طبعاً لل VIP بس. 
و طبعاً انا شايفه اعلاناتهم فى كل حته عن الفرصة الذهبية لكومباوند وهمى و ارخص من كل زيه بكتير . روحت الساعة 6 الصبح . لقيت زحمة جداااااااا .
وقالولى لازم اسلم بطاقتى لواحد فى آخر الزحمة دى علشان يدينى رقم .
انا اتخضيت من المنظر و لكن بعد عناء طويل الحمدلله سلمت بطاقتى ووقفت مستنية الرقم لحد الساعة 8:30 و كان رقمى 606 !! المهم استنينا ان الشركة تفتح و ندخل . و لك ان تتخيل الاعداد واقفه من قبل 6 فى الشارع.
فبدات الناس تقعد على الرصيف وعلى الارض من التعب والمنظر كان صعب اوى .
وقالولنا استنوا دوركم. "طيب الرقم ال على الدعوة ده ايه ؟" مش هندخل بيه .. لاء ده كود . انت هتدخل بالرقم ال اخدته لما سلمت البطاقة. و فضلوا كل شوية استنوا قربنا ، ما تمشوش ، طيب نروح مكان نشرب قهوة ، لاء لازم تستنوا هنا 
المهم الساعة 12:30 .. شايفين الطابور الجديد ده ؟؟ اقفه فيه بقى لإن مش هناخد بالارقام ال اخدتوها !!! 
انا- ايه ؟؟ انتى مش شايفه الناس بقوا كتير ازاى و انا جاية من 6 .. عايزانى اقف ورا كل الالاف ال جت فى الست ساعات ال فاتت ؟!!! 
آه اصل الرقام دى طلعت ولا حاجة .. ولازم تقفوا فى الطابور.
و بعدين الساعة واحدة قالوا والله فى 3 الاف واحد دخلوا الشركة وزحموا المكان . و مش هينفع كده نشتغل . ادفعوا 100 الف حجز . و احنا هنبقى نكلمكم بعدين!!!
اللطيف فى الموضوع. ان واحد قريبى لما عرف ال حصل قاللى انه راح افتتاح مشروع Chill out Park بتاعهم . وبعد انتظار دخلوا . وقالو له ادفع 100 الف جنيه علشان تحجز الشقة . واحنا هنكلمك علشان تيجى تمضى العقد . ومشى و فضل يجرى وراهم سنة كاملة علشان يمضى العقد و همه بيأجلوا. لحد بعد سنة حددوله معاد . راح قالوله الشقة ال انت حاجزها كانت ب 900 الف بقت بمليون و 400 الف . طبعاً مصدقش . قالوهم بس هوا حاجز من السنة ال فاتت على اساس 900 قالوله بما معناه اخبط راسك فى الحيط . و لو مش عايز تدفع النص مليون الزيادة هنردلك فلوسك . يعنى همه لموا فلوس شغلوها ورجعوها للناس زى ما هيه بعد سنة . و غاللو الوحدات فوق 50% . و ضيعوا على الناس فرصة شرا فى اماكن تانية. 
و اللطيف ان بعد كده معرفوش يبيعوا باقى الكومباوند و بداوا يدوا تسهيلات تقسيط على 10 سنين و لسه مش عارفين يبيعوا .
فجاتلهم فكرة التسويق لنفسهم عن طريق عمل زحمة لإثبات الاقبال.
اللطيف برددو فى الموضوع ان كانوا بيعلنوا ان السعر 7000 المتر . بس قالولنا انه 8500 المتر. ده بجانب ان فى 90 الف جنية مكان فى الجراج لكل عربية تجيبها ( يعنى 90 كمان لعربية مراتك) و فى 50 الف اشتراك اجبارى فى النادى .. يعنى 230 الف زيادة على سعر الوحدة غير طبعاً الصيانة !!!
احنا الغلطانين اننا روحنا و استنينا زى ما كانوا بيطلبوا .. ماجمعناش الكلام على بعضه و فهمنا التمهيدات ال بيعملوها علشان يعملوا الزحام ده و ينشروه"

جدير بالذكر أن شركة "ماونتن فيو" قامت بنشر عدة بيانات لها منذ فتح باب الحجز بمشروعها آي - سيتي (I-City) بالقاهرة الجديدة، والذي شهد السبت الماضي، إقبالا غير مسبوق من المواطنين بمقر الحجز لشقق وفيلات المشروع، بمبنى سيتى ستارز بمدينة نصر، وذلك في أولى أيام فتح باب الحجز بالمشروع.
هذا، وتقوم الشركة بالرد على راغبي الحجز بالصيغة الموضحة باللغتين الانجليزية والعربية:
............ .Dear Mr
To ensure a faster response, kindly provide us with the contact details (mobile number, email address) of your preference.And your inquiry will be routed to our Customer Service unit.You shall receive a contact within 48 working hours, for an answer to your inquiries. 
You can also contact us through customerservice@mountainviewegypt.com, or call us on +202 16201 for more information. 
Thank you for choosing Mountain View
استاذ .............
لضمان استجابه اسرع، يرجي ارسال تفاصيل الاتصال بحضرتك (رقم التليفون، البريد الالكتروني).
و سيتم الاتصال بحضرتك في خلال 48 ساعه للاجابه علي استفساركم
عن أي معلومات بشأن المبيعات والتسليم أو البناء، يرجى الاتصال بفريق المبيعات عن طريق
customerservice@mountainviewegypt.com
أو الاتصال بنا على 16201 للحصول على مزيد من المعلومات.
شكرا لاختيارك ماونتن فيو

موضوعات ذات صلة:

شاهد جميع الأخبار من الأحدث الى الأقدم .. إضغط على "الشهر" أو "العام" لمشاهدة الأخبار المنشورة فيه

لا يفوتك متابعة 21 صفحة وجروب وقناة واصدار، اسستها «القاهرة الجديدة اليوم» منذ اطلاقها في 6 أكتوبر 2014:

لا يفوتك متابعة صفحات مميزة على فيسبوك أسستها وتديرها «القاهرة الجديدة اليوم»:

ومتابعة صفحات وجروبات مميزة على فيسبوك أسستها وتشارك في إدارتها «القاهرة الجديدة اليوم»:

ومتابعة صفحات مميزة على تويتر أسستها وتديرها «القاهرة الجديدة اليوم»:

ومتابعة صفحات مميزة على جوجل بلس أسستها وتديرها «القاهرة الجديدة اليوم»:

ومتابعة قنوات مميزة على يوتيوب أسستها وتديرها «القاهرة الجديدة اليوم»:

* قناة: القاهرة الجديدة اليوم New Cairo Today

ومتابعة اصدارات مميزة لـ«القاهرة الجديدة اليوم»:

جاري الإضافة

* حتى تاريخ اليوم ليس لدى «القاهرة الجديدة اليوم» صفحات أو جروبات أخرى على "فيسبوك أو تويتر أو جوجل بلس أو قنوات على يوتيوب" غير المذكورة أعلاه.